विशेष बुद्धवंदना, धम्मदेशना तसेच मोफत नेत्र तपासणी शिबीराचे आयोजन
नागपूर ब्यूरो: कर्मवीर दादासाहेब कुंभारे यांच्या 99व्या जन्मदिनानिमित्य बुधवार दिनांक 23 मार्च 2022 रोजी अनेक कार्यक्रमांचे आयोजन करण्यात आले आहे. सकाळी 9.30 वाजता पुत्यनिय भिक्षुसंघाच्या प्रमुख उपस्थितीत ड्रॅगन पॅलेस येथे विशेष बुद्धवंदना व धम्मदेशना घेण्यात येईल. ओगावा सोसायटीच्या अध्यक्षा माजी राज्यमंत्री अ‍ॅड. सुलेखाताई कुंभारे यांच्या हस्ते उपस्थित भिक्षु संघास चिवरदान व धम्मदान देण्यात येईल.
महाराष्ट्र कास्ट्राईबचे अध्यक्ष क्रिष्णा इंगळे यांनी कामगार व कर्मचाºयांना न्याय व हक्काकरीता अथक परिश्रम घेतले. दादासाहेब कुंभारे यांच्या जन्मदिनाचे औचित्य साधून क्रिष्णा इंगळे यांचे शाल आणि स्मृतिचिन्ह देउन सत्कार करण्यात येईल.
दुपारी 11 ते 4 वाजेपर्यंत डॉ. महात्मे नेत्र हॉस्पीटल यांच्या नेत्र तज्ञ चमू द्वारे एक दिवसीय मोफत नेत्र तपासणी शिबीराचे आयोजन कर्मवीर दादासाहेब कुंभारे परिसरातील डॉ. बाबासाहेब आंबेडकर सांस्कृतिक व संशोधन केंद्र, कामठी येथे करण्यात आले आहे.
दादासाहेब कुंभारे प्रशिक्षण केंद्र, कामठी येथे केंद्रीय वस्त्रोद्योग मंत्रालय द्वारे संचालीत समर्थ प्रशिक्षण च्या दुसºया टप्प्याचे शुभारंभ करण्यात येत असून यामध्ये अनेक युवक-युवतींना प्रशिक्षण देउन स्वयंरोजगारासाठी प्रशिक्षित करण्यात येईल.
वरील सर्व कार्यक्रमांंचे आयोजन ओगावा सोसायटी, कामठी, विश्वविख्यात ड्रॅगन पॅलेज, दादासाहेब कुंभारे परिसर कामठी, ड्रॅगन पॅलेस विपश्यना मेडिटेशन सेंटर, डॉ. बाबासाहेब आंबेडकर सांस्कृतिक व संशोधन केंद्र, कामठी द्वारे करण्यात येत आहे.
