महिन्याच्या पहिल्या दिवशी म्हणजेच 1 मे रोजी 19 किलोच्या व्यावसायिक एलपीजी सिलिंडरची किंमत 102 रुपयांनी वाढली आहे. आता राजधानी दिल्लीत नवीन सिलिंडरची किंमत 2355 रुपये असेल. मात्र, घरगुती सिलिंडरच्या दरात कोणतीही वाढ झालेली नाही. यापूर्वी 1 एप्रिल रोजी व्यावसायिक सिलिंडरच्या दरात वाढ करण्यात आली होती.
इंडियन ऑइल कॉर्पोरेशन (IOC) नुसार, आज राजधानी दिल्लीत 19 किलोचा LPG सिलिंडर खरेदी करण्यासाठी तुम्हाला 2355.50 रुपये मोजावे लागतील. 30 एप्रिलपर्यंत त्याची किंमत 2253 रुपये होती.
त्याचबरोबर कोलकातामध्ये पूर्वी 2351 रुपये कमर्शिअल सिलिंडर मिळत होते, आता 2455 रुपये खर्च करावे लागतील. मुंबईत आजपासून 2205 रुपयांऐवजी 2307 रुपये मोजावे लागणार आहेत. दुसरीकडे, चेन्नई, तामिळनाडूमध्ये व्यावसायिक सिलिंडरचे दर 2406 रुपयांवरून 2508 रुपयांपर्यंत वाढले आहेत.
जेट इंधनही महाग झाले
1 मे पासून जेट इंधनाचे दरही वाढले आहेत. दिल्लीत एअर टर्बाइन इंधनाची किंमत 116851.46 रुपये प्रति लीटर झाली आहे. तर कोलकात्यात त्याची किंमत 121430.48 झाली. मुंबईबद्दल बोलायचे झाले तर इथे 115617.24 रुपये आणि चेन्नईमध्ये 120728.03 रुपये प्रति लिटर आहे. मात्र, आज पेट्रोल आणि डिझेलच्या दरात कोणताही बदल झालेला नाही.
