नागपूर ब्युरो : महा मेट्रोच्या रिच-४ अंतर्गत असलेल्या सीताबर्डी इंटरचेंज ते प्रजापती नगर मेट्रो स्टेशन दरम्यान कमिशनिंग कार्य होऊ घातले आहे. यामुळे येथून १ ते १० डिसेंबर दरम्यान एक्वा मार्गिकेवर मेट्रो सेवा लोकमान्य नगर स्टेशन ते झाशी राणी चौक स्टेशन पर्यंत बंद राहणार आहे.
महा मेट्रो तर्फे झाशी राणी चौक मेट्रो स्टेशन आणि सीताबर्डी इंटरचेंज दरम्यान प्रवासाकरता निशुल्क फिडर बस सेवा प्रदान करण्यात आली आहे. झाशी राणी चौक मेट्रो स्टेशन पर्यंत प्रवास करत ऑरेंज मार्गिकेवर पुढील प्रवास करू इच्छिणारे प्रवासी फिडर बस सेवेच्या माध्यमाने सीताबर्डी इंटर चेंज स्टेशन पर्यंत प्रवास करू शकतात. तसेच ऑरेंज मार्गिकेवर प्रवास करणारे आणि एक्वा मार्गिकेवर पुढील प्रवास करू इच्छिणारे प्रवासी याच फिडर बसच्या माध्यमाने झाशी राणी चौक मेट्रो स्टेशन पर्यंत जाऊ शकतील, अशी माहिती महा मेट्रो तर्फे देण्यात आली आहे.