बॉलिवूड अभिनेत्री कतरिना कैफ आणि अभिनेता विकी कौशल यांच्या रिंग सेरेमनीच्या बातम्यांदरम्यान त्यांच्या लग्नाची तयारीही सुरू झाली आहे. सवाई माधोपूरमधील बरवारा चौथ का बरवाडा येथील सिक्स सेंस बरवाड़ा फोर्ट हॉटेलमध्ये हे हॉट कपल पुढील महिन्यात लग्नबंधनात अडकणार आहे.
सर्व कार्यक्रम 7 ते 12 डिसेंबरच्या दरम्यान होणार आहे. यासाठी हॉटेल बुकिंग झाली आहे. याची औपचारिक घोषणा होणे बाकी आहे. हॉटेलनेही या व्हीआयपी लग्नासाठी तयारी करण्यास सुरुवात केली आहे.
हॉटेल व्यवस्थापन आणि सूत्रांकडून मिळालेल्या माहितीनुसार, लग्नाचे बुकिंग कन्फर्म झाले आहे. मात्र, कोणत्या दिवशी कोणता कार्यक्रम होणार याची माहिती अद्याप उपलब्ध झालेली नाही.
अनेक सेलिब्रिटी येतील
विवाह सोहळा लहान असेल. असे असूनही, सलमान खान आणि इतर अनेक बडे स्टार्स या फंक्शनला येण्याची शक्यता आहे. लग्नाचा मुख्य कार्यक्रम जनाना महलमध्ये होणार असल्याचीही माहिती मिळाली आहे. विवाह सोहळ्यातील सुरक्षेची संपूर्ण जबाबदारी खासगी रक्षक घेतील.
चौथ का बरवाड़ा येथे असलेला हा गड 14 व्या शतकात बांधला गेला आहे. हे राजपुताना शैलीत आहे. सध्या गडात एक आलिशान हॉटेल बांधण्यात आले आहे. रेस्टोरेशननंतर ते ऑक्टोबरमध्येच खुले करण्यात आले आहे. बॉलिवूड अभिनेत्री मलायका अरोरा या उद्घाटन सोहळ्याला उपस्थित होती. आता कतरिना कैफ आणि विकी कौशलने हे हॉटेल रॉयल वेडिंगसाठी फायनल केले आहे.
लक्झरी रिसॉर्टमध्ये फोर्ट सुइट आणि अरावली सुइट आहे. येथे 3 जणांच्या दिवस-रात्र मुक्कामाचे भाडे 65 हजार ते 1.22 लाखांपर्यंत आहे. अतिथींसाठी मोफत नाश्ता आणि वायफाय देखील प्रदान केले जाते.