Home Election NMC Election 2022 । नितीन गडकरी-देवेंद्र फडणवीसांच्या बैठकीत नागपूर महापालिका निवडणुकीचा ऍक्शन...

NMC Election 2022 । नितीन गडकरी-देवेंद्र फडणवीसांच्या बैठकीत नागपूर महापालिका निवडणुकीचा ऍक्शन प्लॅन ठरला

520

नागपूर ब्युरो : केंद्रीय मंत्री नितीन गडकरी आणि राज्याचे विरोधी पक्षनेते देवेंद्र फडणवीस यांच्यात महत्त्वाची बैठक पार पडली. काहीच महिन्यांवर असलेल्या महापालिका निवडणुकांच्या दृष्टीने या भेटीत महत्त्वपूर्ण विषयांवर चर्चा झाली. या भेटीवेळी भाजपचे कोअर कमिटीचे काही महत्त्वाचे पदाधिकारीही उपस्थित होते. नागपूर महापालिकेची निवडणुकही आता तोंडावर आहे. त्यात पंचायत समिती-जि.प. निकालात काँग्रेसने दणदणीत कामगिरी केली आहे. या सगळ्या पार्श्वभूमीवर या बैठकीत विचारमंथन झालं आणि रणनितीही आखण्यात आल्याची माहिती आहे.

नितीन गडकरी- देवेंद्र फडणवीस यांची भेट

देवेंद्र फडणवीस यांच्या नागपुरातील घरी केंद्रीय मंत्री नितीन गडकरी यांनी भेट दिली. राज्यातील प्रमुख पक्षांनी महापालिका निवडणुकांच्या दृष्टीने सगळी तयारी सुरु केली आहे. भाजपनेही आता विविध शहरातील कारभारी-नेते मंडळींवर विशेष जबाबदारी सोपविण्याचं ठरवलं आहे. त्याच्याच रणनितीचा एक भाग म्हणून प्रमुख पदाधिकाऱ्यांसह फडणवीस-गडकरींमध्ये बैठक पार पडली. परंतु या बैठकीत नागपूर महापालिका निवडणुकीचा विषय अजेंड्यावर होता.

राज्यात सध्या उद्धव ठाकरे यांच्या नेतृत्वाखालील महाविकास आघाडीचं सरकार आहे. नुकत्याच जिल्हा परिषद पंचायत समितीची निवडणुका पार पडल्या आहेत, निकालही लागलेत. त्यात भाजपने चांगली कामगिरी केलेली असली तरी सर्वोत्तम कामगिरी करणं जमलं नाही. त्यात नागपूर पंचायत समिती. जि.प. निकालात काँग्रेसने खूपच चांगली कामगिरी केलीय. साहजिकच यामुळे भाजपसमोरची डोकेदुखी वाढलीय.

नागपुरात जि.प, पंचायत समितीमध्ये काँग्रेसची बाजी

जिल्हा परिषदेच्या 85 आणि पंचायत समितीच्या 144 गणांसाठी नुकतीच निवडणूक प्रक्रिया पार पडली आहे. देवेंद्र फडणवीस, नितीन गडकरी, चंद्रशेखर बावनकुळे या सारख्या प्रमुख भाजप नेत्यांचा गड असूनही काँग्रेसनं नागपूरमध्ये जोरदार मुसंडी मारली. नागपूरमध्ये मंत्री सुनील केदार आणि चंद्रशेखर बावनकुळे यांची प्रतिष्ठा पणाला लागली होती. पण मंत्री सुनील केदार यांच्या नेतृत्वात काँग्रेसनं पोटनिवडणुकीत बाजी मारली आहे.

महापालिका निवडणुकांची रणनिती

जि.प आणि पंचायत समितीमध्ये अनेक ठिकाणी तिन्ही पक्षांचं आव्हान भाजपला होतं. आता याच निकालातून धडा घेत भाजप त्या दृष्टीने डावपेच आखत आहे. कोणत्या महापालिकेत काय परिस्थिती आहे?, भाजपला कुठे अनुकुल वातावरण आहे?, कुठे आणखी जोर लावाला लागू शकतो?, कोणत्या महापालिकेची जबाबदारी कोणत्या नेत्यावर सोपवायची?, अशा अनेक विषयांवर गडकरी-फडणवीस यांच्यामध्ये चर्चा झाल्याची विश्वसनीय माहिती आहे.

T20 world cup | 29 दिन में खेले जाएंगे 45 मुकाबले, सेमीफाइनल और फाइनल के लिए होगा रिजर्व-डे

Previous articleT20 world cup | 29 दिन में खेले जाएंगे 45 मुकाबले, सेमीफाइनल और फाइनल के लिए होगा रिजर्व-डे
Next articleअबकी बार नागपुर की बजाय अयोध्या में होगा आरएसएस के ‘शारीरिक अभ्यास वर्ग’ का आयोजन
वाचकांनो आपन “आत्मनिर्भर खबर डॉट कॉम” ला ट्वीटर, इंस्टाग्राम आणि फेसबुक पर फॉलो करत आहात ना? अजूनपर्यंत ज्वाइन केले नसेल तर आमच्या अपडेट्स साठी आत्ताच क्लिक करा (ट्वीटर- @aatmnirbharkha1), (इंस्टाग्राम- @aatmnirbharkhabar2020), (यू ट्यूब-@aatmnirbhar khabar )(फेसबुक- @aatmnirbharkhabar2020).