चंद्रपूर जिल्ह्यातील बल्लारशहा रेल्वेस्थानकातील पादचारी पुलाचा प्री कास्ट स्लॅबचा भाग तुटल्याने १३ प्रवासी रेल्वे रुळांवर काेसळले. या दुर्घटनेत शिक्षिका असलेल्या ४८ वर्षीय नीलिमा रंगारी यांचा मृत्यू झाला, तर इतर १२ जणांवर उपचार सुरू आहेत. ही दुर्घटना रविवारी सायंकाळी ५.१५ वाजता घडल्याची माहिती रेल्वेचे जनसंपर्क अधिकारी अमोल गहुकर यांनी दिली.
अपघातातील गंभीर जखमींसाठी १ लाख व किरकोळ जखमींसाठी ५० हजार मदत रेल्वेने जाहीर केली आहे. हा पादचारी पूल ६० फूट उंच असून त्याची ४० वर्षांपूर्वी उभारणी करण्यात आली होती. रेल्वेने जारी केलेल्या निवेदनात केवळ ४ जण जखमी झाल्याचे नमूद केले आहे. तथापि, १३ प्रवासी ब्रिजवरून खाली पडले असून ४ जण जखमी झाले. जखमींपैकी एका महिलेचा मृत्यू झाला, तर दोघांची प्रकृती गंभीर आहे.
