नागपूर ब्युरो: ट्राफिक चिल्ड्रेन पार्क धरमपेठ येथे पोलीस उप आयुक्त वाहतुक लोहीत मतानी यांच्या अध्यक्षतेत व सहा पोलीस आयुक्त श्रीमती माधुरी बाविस्कर यांच्या उपस्थितीत ऑटो रिक्शा चालक व संघटनांची कार्यशाळा घेण्यात आली. सदर कार्यशाळेला वाहतुक विभागावे पोलीस निरीक्षक. श्री.कदम, पुरी, मिराशे, खांदाळे, पोरे, पांडे, वासेकर, मोहनकर तसेव पोलीस निरीक्षक. श्रीमती देशमुख हे उपस्थित होते.
सदर कार्यशाळेमध्ये ऑटो रिक्शा चालक यांच्या अडचणी समजुन घेवून त्यांना नियम पाळण्याबाबत तसेच युनिफॉर्म धारण करण्याबाबत समजविण्यात आले. स्पर्धेच्या युगात इतर ई-रिक्शा व कॅब यांच्या तुलनेत योग्य सेवा देवून प्रतिमा सुधारूण योग्य मार्गाने व्यवसाय वाढविण्याबाबत मार्गदर्शन करण्यात आले. पोलीस उप आयुक्त, वाहतुक लोहीत मतानी यांनी ऑटो चालक व ऑटो संघटनांचे म्हणने समजून घेवून त्यांच्या अडचणी दूर करण्याबाबत आश्वासन दिले तसेच लगेच वाहतुक विभागातील सर्व पोलीस निरीक्षक यांची मिटिंग घेवून त्यांना शिस्तबद्ध ऑटोरिक्शा परिवहन ठेवण्याबाबत सुचना व मार्गदर्शन केले.
सदर कार्यक्रमात वाहतुक नियमांविषयी रस्ता सुरक्षा दलाचे अतुल आगरकर यांनी मार्गदर्शन करून कार्यक्रमाचे संचलन केले.
