देशातील कोरोना रुग्णांमध्ये घट सुरूच आहे. गेल्या 24 तासांत भारतात कोरोनाचे 7,554 नवीन पॉझिटिव्ह रुग्ण आढळले असून 223 रुग्णांचा मृत्यू झाला आहे. चांगली गोष्ट म्हणजे शेवटच्या दिवशी 14,123 रुग्ण कोरोनातून बरे झाले आहे. कोरोनाच्या सक्रिय प्रकरणांबद्दल बोलायचे झाले तर गेल्या 24 तासात 6,792 सक्रिय प्रकरणे कमी झाली आहेत, सध्या देशात कोरोनाच्या सक्रिय रुग्णांची संख्या 85,680 आहे.
राज्यांमधील कोरोनाच्या स्थितीबद्दल बोलायचे झाल्यास, केरळमध्ये गेल्या 24 तासांत सर्वाधिक 2,846 रुग्ण आणि 168 मृत्यू झाले आहेत. महाराष्ट्रात 675 नवीन रुग्ण आढळले आहेत. देशात कोरोनाची नवीन प्रकरणे मंगळवारी आढळलेल्या प्रकरणांपेक्षा 0.02 % जास्त आहेत. तर सक्रिय प्रकरणांमध्ये 7.3% घट झाली आहे.
- एकूण प्रकरणे- 4,29,38,599
- एकूण रिकव्हरी – 4,23,38,673
- एकूण सक्रिय प्रकरणे – 85,680
- एकूण मृत्यू – 5,14,246
केंद्रीय गृह मंत्रालयाने शुक्रवारी राज्ये आणि केंद्रशासित प्रदेशांना कोरोनामुळे लादलेले निर्बंध शिथिल करण्याचे निर्देश दिले. यानंतर मुंबईसह महाराष्ट्रातील 14 जिल्ह्यांमध्ये 100% क्षमतेसह रेस्टॉरंट, सिनेमा हॉल, थिएटर, जलतरण तलाव, धार्मिक स्थळे आणि एंटरटेनमेंट पार्क सुरू करण्याची घोषणा करण्यात आली आहे.
