Home Education Gadchiroli । डॉ. राजेंद्र कुमार शर्मा यांची गोंडवना विद्यापीठाच्या कुलगुरूपदी निवड

Gadchiroli । डॉ. राजेंद्र कुमार शर्मा यांची गोंडवना विद्यापीठाच्या कुलगुरूपदी निवड

मुंबई ब्युरो : दिल्ली आयआयटी येथे दीर्घ काळ गणिताचे प्राध्यापक असलेले तसेच सध्या स्वित्झर्लंड येथे संशोधन अध्यासन पद धारण करीत असलेल्या डॉ. राजेंद्र कुमार शर्मा यांची गडचिरोली येथील गोंडवना विद्यापीठाच्या कुलगुरूपदी नियुक्ती करण्यात आली आहे.

महाराष्ट्राचे राज्यपाल भगतसिंह कोश्यारी यांनी डॉ. राजेंद्र कुमार शर्मा यांच्या नियुक्तीची घोषणा मंगळवारी केली. 7 सप्टेंबर 2020 रोजी गोंडवना विद्यापीठाचे कुलगुरू डॉ. नामदेव कल्याणकर यांचा कार्यकाळ संपल्यापासून हे पद रिक्त होते. रामटेक येथील कविकुलगुरू कालिदास संस्कृत विद्यापीठाचे कुलगुरू प्रो. श्रीनिवास वरखेडी यांचेकडे पदाचा अतिरिक्त कार्यभार देण्यात आला होता. त्यानंतर अखेर सहा महिन्यानंतर रिक्त असलेल्या गोंडवाना विद्यापीठाच्या रिक्त जागी कुलगुरू म्हणून डॉ. राजेंद्र कुमार शर्मा यांनी नियुक्ती करण्यात आली.

डॉ. राजेंद्र कुमार शर्मा यांचा परिचय
  • डॉ. राजेंद्र कुमार शर्मा (जन्म 20 नोव्हेंबर 1958) यांनी मेरठ विद्यापीठातून पदव्युत्तर पदवी प्राप्त केली असून आयआयटी दिल्ली येथून पीएच.डी. प्राप्त केली आहे.
  • त्यांनी फ्रांस व जर्मनी येथे पोस्ट डॉक्टरल शिक्षण प्राप्त केले आहे.
  • डॉ. शर्मा यांनी आयआयटी खडकपूर येथे अध्यापनाला सुरुवात केली व सन 2002 पासून ते दिल्ली आयआयटी येथे प्राध्यापक म्हणून काम करीत आहेत.
  • 1 जानेवारी 2019 रोजी त्यांची स्वित्झर्लंड येथे कन्सेनसिस ब्लॉकचेन या संशोधन अध्यासनावर नियुक्ती करण्यात आली.
  • त्यांना अध्यापनाचा 32 वर्षांचा अनुभव असून त्यांच्या मार्गदर्शनाखाली 32 विद्यार्थ्यांनी पीएच.डी. केली आहे.
  • कुलगुरू निवडीसाठी राज्यपालांनी पाटणा व दिल्ली उच्च न्यायालयाचे सेवानिवृत्त मुख्य न्यायमूर्ती न्या. राजेंद्र मेनन यांच्या अध्यक्षतेखाली निवड समिति गठित केली होती. इंडियन इंस्टीट्यूट ऑफ सोशल अॅण्ड इकोनोमिक चेंज, बंगलोर येथील संचालक डॉ. एस माधेश्वरन व शासनाचे प्रधान सचिव मिलिंद म्हैसकर या समितीचे सदस्य होते.
  • समितीने शिफारस केलेल्या उमेदवारांच्या मुलाखती घेतल्यानंतर राज्यपालांनी डॉ राजेंद्र कुमार शर्मा यांची कुलगुरूपदी नियुक्ती जाहीर केली.
Previous articleपरमबीर सिंह यांनी दाखल केलेल्या याचिकेवर आज सर्वोच्च न्यायालयात सुनावणी
Next articleSuccess Story | ड्यूटी के साथ ऐसे की तैयारी कर बीएसएफ का जवान 5वें प्रयास में बना आईएएस
वाचकांनो आपन “आत्मनिर्भर खबर डॉट कॉम” ला ट्वीटर, इंस्टाग्राम आणि फेसबुक पर फॉलो करत आहात ना? अजूनपर्यंत ज्वाइन केले नसेल तर आमच्या अपडेट्स साठी आत्ताच क्लिक करा (ट्वीटर- @aatmnirbharkha1), (इंस्टाग्राम- @aatmnirbharkhabar2020), (यू ट्यूब-@aatmnirbhar khabar )(फेसबुक- @aatmnirbharkhabar2020).