Home मराठी @kvicindia | KVIC च्या खादी बाजार प्रदर्शनाला मोठा प्रतिसाद

@kvicindia | KVIC च्या खादी बाजार प्रदर्शनाला मोठा प्रतिसाद

445

नागपूर ब्युरो : सुक्ष्म, लघु व मध्यम उद्योग मंत्रालय, खादी व ग्रामोद्योग आयोग (KVIC) नागपूर अंतर्गत ६ ते २० जानेवारी दरम्यान आयोजित करण्यात आलेल्या खादी बाजार प्रदर्शनाला मोठा प्रतिसाद मिळत आहे. आकाशवाणी चौक, सरपंच भवन, जिल्हाधिकारी कार्यालयासमोर हे प्रदर्शन सुरु आहे. येथे उभारलेल्या स्टॉल्सवर ग्राहकांना आकर्षक ऑफर देण्यात येत आहे.

कोविडचा वाढता संसर्ग पाहता, कोविडशी संबंधित सरकारी मार्गदर्शक तत्त्वांचे येथे काटेकोरपणे पालन केले जात आहे. खादी व ग्रामोद्योग आयोगाचे संचालक राघवेंद्र महिंद्रा, सहाय्यक संचालक (खादी) अजय कुमार आणि सहाय्यक संचालक (ग्रामोद्योग) राजेंद्र खोडके यांनी खादी बाजार प्रदर्शनाला एकदा भेट देऊन याचा लाभ घेण्याचे आवाहन केले आहे. खादी बाजार प्रदर्शनाचे उद्घाटन गुरुवार, 6 जानेवारी रोजी सायंकाळी 7 वाजता जिल्हाधिकारी आर. विमला यांच्या हस्ते करण्यात आले.

डिजाइनर भावना जनबंधू यांच्या स्टॉल ला भेट देतांना जिल्हाधिकारी आर. विमला व अन्य.

प्रदर्शनात लावण्यात आलेल्या महाराष्ट्र अॅग्रो इंडस्ट्रीज आणि विकास महामंडळाच्या (नोगा) स्टॉल्सनाही उत्तम प्रतिसाद मिळत आहे. त्याच्या उत्पादनांना कोणत्याही ओळखीची आवश्यकता नाही, त्यांची अप्रतिम चव हाच एक ब्रँड आहे. त्यामुळे येथे नोगाचे स्टॉल असल्याची माहिती मिळताच लोक खासकरून भेटवस्तू देण्यासाठी येथे येत आहेत. नोगाच्या स्टॉलचे उद्घाटनही जिल्हाधिकारी आर. विमला यांच्या हस्ते करण्यात आले.

नोगाच्या स्टॉल चे उद्घाटन करतांना जिल्हाधिकारी आर. विमला व अन्य.

उल्लेखनीय आहे की खादी बाजार प्रदर्शनाचा मुख्य उद्देश खादी संस्था आणि ग्रामोद्योग युनिटशी संबंधित विणकर, इतर कामगार आणि दुर्गम ग्रामीण भागात राहणाऱ्या बेरोजगार युवक-युवतींना रोजगार उपलब्ध करून देणे हा आहे. खादी व ग्रामोद्योग आयोगाच्या माध्यमातून देशभरात त्यांच्या चेहऱ्यावर हास्य आणण्यासाठी आणि छोट्या घटकांना खादी बाजारातून त्यांची उत्पादने विकण्याची संधी देऊन त्यांना स्वावलंबी बनवण्याचा सातत्याने प्रयत्न केला जात आहे. ग्रामीण कारागिरांच्या कौशल्याचा अधिकाधिक प्रसार व्हावा आणि देशभरातील शहरी लोकांनी उत्पादने खरेदी करावी या उद्देशाने राज्यस्तरीय खादी बाजार प्रदर्शनाचे आयोजन करण्यात आले आहे.

Previous article#Nagpur | लायंस क्लब के शो में युवा और महिलाओं ने बिखेरा जलवा
Next article#Nagpur | मराठी राज्याच्या उपराजधानीत मराठीला महानगरपालिकेकडून दुय्यम वागणूक
वाचकांनो आपन “आत्मनिर्भर खबर डॉट कॉम” ला ट्वीटर, इंस्टाग्राम आणि फेसबुक पर फॉलो करत आहात ना? अजूनपर्यंत ज्वाइन केले नसेल तर आमच्या अपडेट्स साठी आत्ताच क्लिक करा (ट्वीटर- @aatmnirbharkha1), (इंस्टाग्राम- @aatmnirbharkhabar2020), (यू ट्यूब-@aatmnirbhar khabar )(फेसबुक- @aatmnirbharkhabar2020).