‘सरकार व्हेंटिलेटर, हॉस्पिटल, ऑक्सीजन, बेड, बिल्डिंग सर्व काही पैसे देऊन खरेदी करु शकतात, मात्र डॉक्टर्स पैसे देऊन एका झटक्यात खरेदी केले जाऊ शकत नाहीत. एक रेसिडेंट डॉक्टर तयार होण्यास एक दशक लागते. जे 700-800 डॉक्टर पॉझिटिव्ह आढळले आहे मी त्यामधूनच एक डॉक्टर आहे. आम्हाला केवळ 7 दिवस क्वारंटाइन करण्यात आले आहे. यानंतर कोणत्याही टेस्टशिवाय ड्यूटी जॉइन करण्याचा सल्ला दिला जात आहे. जेव्हा डॉक्टर स्वतः निरोगी राहतील तेव्हाच आरोग्य यंत्रणा देखील मजबूत राहिल.’
हे दुःख दिल्लीच्या ESI हॉस्पिटलचे रेसिडेंट डॉक्टर रोहन कृष्णन यांचे आहे. रोहन सध्या कोविड पॉझिटिव्ह आहेत आणि रोहन यांच्या प्रमाणेच दिल्लीच्या हॉस्पिटलमध्ये डॉक्टरांमध्ये झपाट्याने कोविड संक्रमण पसरत आहे. दिल्लीच्या प्रमुख 5 हॉस्पिटल्समधूनच जवळपास 800 पेक्षा जास्त डॉक्टर कोविड पॉझिटिव्ह आढळले आहेत. पॉझिटिव्ह डॉक्टरांच्या संपर्कात आलेले डॉक्टर्स आणि पॅरामेडिकल स्टाफ देखील आयसोलेशनमध्ये आहे. मोठ्या संख्येत आरोग्य कर्मचारी पॉझिटिव्ह होत असल्यामुळे आरोग्य यंत्रणेवर वाईट प्रभाव पडला आहे. हॉस्पिटलमध्ये रुटीन चेकअप, OPD आणि अनावश्यक सर्जरी रोखण्यात आल्या आहेत.
रुग्णालयांमध्ये सर्वात वाईट स्थिती दिल्लीच्या एम्समध्ये आहे. सूत्रांनी सांगितले की एम्समध्ये काम करणारे सुमारे 350 निवासी डॉक्टर कोविड पॉझिटिव्ह झाले आहेत. हा आकडा फक्त कोविड पॉझिटिव्ह निवासी डॉक्टरांचा आहे, जर फॅकल्टी, पॅरामेडिकल कर्मचारी जोडले तर हा आकडा खूप मोठा होईल.
